Tī kipún ê 26 ê Latin jībó tiong, ū kúia ê tī Tâigí ê susiá tiong goânsegn bô ēng; m̄koh cóngsī nā siá goālâi sûgí ê sîcūn cin pháign tôsiám.
Csancsiūgn Seyûgn miâ “William” tiong, “W” tio̍h m̄sī kipún Tâigí teh súyōng ê jībó. Suijiân kóng mā ēsái khò imye̍k coán cò “U”, m̄koh hiānsî cusìn po̍kcà, bûnhoà kan ê kauliû cia̍p, goālâigí ê sòlliōng cē, nā lóng ēng giâmkeh ê imye̍k kuilu̍t, Tâigí khipsiu sin tìsek ê hāulu̍t ê cin bái.
Kiàngī cia ê jībó, ài siat ūsiat ê holyim. Ya̍h tio̍h sī múi ci̍t ê bô ēng ê jībó, lóng phoè ci̍t ê Tâigí púnsin ū ēng ê jībó cò in ê holyim, lâi pangcōl lâng ētàng tī bēhiáu goāgí ê cênghêng hā, ēng bólgí ê holyim si̍pkoàn lâi tha̍k goālâi sûgí.
Pílūnkóng ēsái anne siat:
d = t
f = h
q = k
r = l
v = b
w = u
x = s
y = i
z = c
Suijiân anne ittēng ē kap goāgí ê holyim csa cin cē, m̄koh sī khah si̍tcāi ê hongsek, inūi lán lâng bô khólêng kā sólū goāgí ê jībó holyim lóng o̍h tiâu.
Cit khoán ēng katī si̍pkoàn lâi tha̍k goālâi sûgí ê cênghêng tī kîtha gígiân cin phólphiàn. Pílūn Hoatkok ê siútol “Paris”, tī Enggí phengsiá bô kái, itpoagn tha̍k cò [ˈpærɪs]; m̄koh nā ciàu Hoatgí sī [paʁi].
Csiūgn “Paris” cit cióng thongsio̍k ê tēmiâ, lán Tâigí ēsiá coán cò “Palí”, inūi tiāgn ēng, imcat té, súyōng kap líkái lóng bô khùnlân; m̄koh nā csiūgn “Batignolles-Monceau” anne ê sió tēmiâ beh ci̍tê ci̍tê cò imye̍k, sī cin cia̍hla̍t ê tāicì, cíhó ēng goânlâi ê phengsiá kha piānlī.